أحب الشـــــروق

فهو يـوم جـديد...

يومـ بديل

 لتغيير المـــزاج.. وتعـديلهـ

فلنسامـح ولنبدأ العمل بجد واجتهـاد

"""

تصويري من الساعـهـ 5 ونص تقريباً أليـن ست الصبـح

قبل الشروق يعني ^^

الفـ ج ـر البـاسـم قآدمـ

أح ـلــى صبــــــ!ح للجميــــــــع 

ألا يا طيـر بلـغ "الســـلام" عنــي

وبالمرهـ نخطـــــف صوب الياسميينهـ

  استودعكم اللهـ

هااه عاد لا تحرموني من آرائكمـ ^.~

قصيدة وديّه أســـــرار وبوح

قبل وقوع الـ ح ـدث

ياله هذا الملل الذي يسكن جوانحي

ياله هذا الملل الذي بدأ يسري بكياني..

ياله هذا الملل الذي أدى إلى الكآبة ..

ماذا أفعل يا إلهي بحيــاتي.....!

بعد وقـوع الـ ح ــــدث

أسألك..

أقدر أبوح ..؟

بأسراري لك أبوح..؟

بالي يخالجني من شعور

واحاسيس .... اقدر لك ابوح..؟

تقولي..

كلي اذانٍ صاغيه ..

أقدر اسمعج همسٍ و نوح..

أرد عنك..

أستحي منك..

واسكـــــت .. وأرد أسألك من جـديد

ذات السؤال..

وترد لي بذات الجواب...

~ ~ ~

حبيبتي .. قولي

لي في خاطرج قوليه

لا تخلين شي ...

أبي أسمعج ...

والله اني ابي أسمع كل كلامج ..

تكلمي .. يا نظر عيني..

ومهجة الروح !

~ ~ ~

كلامهـ أخجلني..

صـدقـت نبرة صوتهـ الحنوني..

وقلـت ..

حبيبي اسمع كلامي

ولا تقاطعني..

تراه معذبني .. وحيل مشقيني

حبيبي..

ليه  تتجاهلني..؟

ليه ما تكلمني..؟

ليه كل ما اقرب منك تصد

وتبتعد عني.......؟!

هل هذي صفاتك ..؟

هل هذي سواتك..؟!

تعذب مضنونك

وتخليه يحاتي

و يعاني

بروحه يعاني

وينزف جروحٍ دامياتِ

حزينٍ وحيدٍ مكسورٍ خاطره

حاير

ما هو بداري بالي يسويه

وبالي لازم يسويه…….!

ليـه حبي لك يزيد

وليــه شوقي لك يلتهب

مثل النار في يوفي تشب وما تنطفي

إلا بوجودك

يا نور عيوني .... ؟!

متى بترحمني

متى بتحس باحساسي

متى لي بتشتاق

وتجيني..

وبحضنك تلمني..

وتلملم معايه بقايا احزاني..

وجروحي ..

وبحنانك تدفيني

حياتي..

متى بتقول لي كلمه

تخلي الروح هيمانه

عاشقه

ساهيه عن الدنيا كلها ..

كلهــــــــــــا..... إلا عنك ..؟!!

متى ..

يا حبيب الروح

ويا مداوي كل الجروح

ترجع لمن حبك ...،

لمن لك عنده مكانه

كبيره... محدٍ وصلها قبلك ..؟!

حبيبي

هذا هو بوحي..

يا ريت ترد لي بجـوابٍ

شافي...يشفي غليلي

ويطفي شوقي

رد عليه وقال ...،

قــــال.. اني على باله ..

ما أغيب لحظــه أو ثواني

قال .. انه مخلص لحبي

وصادق باحساسه معايّه

وان شوقه لي ما ينتهي...

و قلبه لغيري ما مال...

\

/

\

/

بعدها ..،

استانست ورضيت..!

سأسافر بعيداً

قررت السفر .. حينما لمحت الغدر

من عينيـه ..

حينمـا رأيت الكذب يحطم حبنّـا الطاهر

أعني حبي الطاهر..!

-------------

سأسافر

بعيــداً بعيــداً

سأهاجر

ولن أعــــود أبداً

ولن أفكر بتاتاً بالعـودة إلى من أحببت..

حطم قلبي بخياناتـه

كـدرني بجفاءه

آلمني بكلمــاته

ضاقت نفسي من صده...

فقررت الرحيل والسفر

ونسيان الهم...والغـدر..!

سأسافر عنه

وأبتعـد..

سأحطم قيود خوفي من الرحيل عن عالمهِ المزيف..

و أرميها خلفي..

لن التفت إليها ولو لدقيقه..

( فلا شيء يستحق العناء..لا شيء..! )

ما الحب..؟!

ما الحب الذي ادعيته..!

حبــــــكـ –يا حبيبي- ليس حباً

بل كلام مزخرف

راق لك أن تقوله في كل حين..

ليتسنى لك اللعب بمشاعر الآخرين

والعبث بهم......!

/

\

  /  

\

/  

\

يا له من قلب –قلبك- لا يعرف إلا

الأنانية

قلبك ليس إلا صخر خال من المشاعر النبيلة ..

الوفية

قلبك الذي لم تشغلــه إلا بتلك الأمــور القذرة..

الفـانيــة..!

لذا ..سأطوي الماضي الغابر

وأنسى آلامي وأوجاعي و سهري طول الليالي

و الآهااات التي منها كنتُ أعـانــي

وأبدأ من جديد قصة جديدة

مع إنســان يقـدر المشـاعر ويحترمها

ويقـدر المحبـة و يتمنـاها.....

ولا يطمح لسواها..!

أما أنت فإبحث عن تلك الجميلة

وعن تلك الأنيقة..

وعن المليونيرة الحزينة..

وعن الفقيرة المسكينة..

المحتاجة للمأوى

وعن هواياتك المخملية.............

والهو بحيــاتك .. حياتك الفـانية

التي لا هـدف لها..

ولا إراده ..!

الهـــــــــــــــو ..

والهــــــــــــو ..

والهــــــــو ..

وشكراً لك على أيامنا السالفــــــه !

همسه أهديها لـكـ :

عزيزي

لن ينـدمـ إلا سواكـ

ولن يبكي غيركـ على حالـكـ..

في ساعــة لا ينفع فيها نـدمٌ.. ولا آآآآه..!  

أحلى اللحظــات هي لما تكون

ويا عايلتكم الكريمهـ

ظاهرين تفرجون عن همومكم

وفوق هذا

ويـآكمـ أحبـــــاب اللهـ ^^  

فديتــهـ دلوع البيــت هذا  

وأحينهـ براويكمـ الدوالي "الزرق" إحييم  

وأحينهـــ.. بسكـمـ 

ياللهـ نتلاقى على خيـر

لا تحرمونا ^.^

Ψ  جريمة قتل بطلتها ودّ ..!

بقوللكم السالفه الي صارت لي بالتفصييل من أولها لآخرها

في البـدايـهـ كنت اتطالع الفيديو كليب الي قاعدين يسوونه

ثلاث مغنيات وهن أصاله نصري ، نوال الزغبي ،

والمغربيهـ سميره سعيد جدام عيوني..حلو الصراحه

بس ما ادري ليش كان بدون اغاني..؟

والمكان كان اخضر روووووووعه رغم سواد الليل و ظلامه

راس الخيمه فيها ها المكان..؟ يا ويل حالي عجب عجب ..!

عقب ما خلصن هايلا .. شفت اصالهـ ترد على اسئلة

الصحفيين واجوبتها فيها نـوع من الاستهبال.. ما شي اجابات

صريحه مب اصاله الي نعرفها ... ينحس انه فيها شي

ها الانسانه بس تدرون ..؟ افتكت ع الاقل من صدعة الراس

واسئلة الصحفيين الي ما تخلص وتوكلت في حال سبيلهــــــا..!

ماعلينا منها رديت اتطالع الصوب الثاني أدور الي بيوديني البيت..!

أذكر إنه كان شي واحد بيردني ، ولكني شفته بيوصل وحده

(أعتقد انها مغنيه) وسمعت انه يبالها لين توصل بيتهم حوالي

2 او 3 ساعات..بتم بروحي امييه منو بياخذني احينه الساعه

12 بتم لين الساعه هنتين ..؟ ولا ثلاث الفير و بروحي..؟

تميت اتطالعهم جان يعرفني الي وعدني بالزواج أقصد بانه يوصلني

بيتنا وقبل ما اتكلم اشر عليه وقال انه بيوصلني

سألني : كم يبالج لين توصلين ..؟

قلت له : مب وايد ربع ساعه بالكثير..!

قالي : خلاص عيل اركبـي ..

ييت ركبت لاحظت ع هاايج عصبت لاني سرت وياهم ..

الحبيبه مستعيله.. وإلا يمكن انا خربت عليها.. ما أدري..!

شوي وإلا نستوي ثلاث بنات في السياره وشابين واحد

يسووق و الثاني حذالي :$ .. وكان الوقت الضحى... وكنا

حذال مسيـدنا نزلنا نستريح .. من عناء الدرب..!

ونحن نازلين شفت الي يسوق يتضارب ويا وحده من البنات

شوي وإلا اشوفه يشرح البنت بالسجين وإلا ما ادري بشوه..؟

قطعها قطع ونتفها تنتيف الدم و كل شي ع ايده و هي غرقت

بدمامينها .. شلها وحطاها ورى في الدبـهـ ..

ذبحها بطريقهـ ما تتصورونهـــــــــا .. وأنا جيييه  :| واقفه متسمره

بمكاني .. واقول فخاطري [ بنت خالي بنت خالي شو سوا فيها

ليش ذبحهاااا..؟! ] وإلا اسمع الي ورايه يقولي : دشي السياره

ولا تسوين شي........

دخلنا السياره وانا بدوون همس ولا صوت ولا هم يحزنوون  ،

شوي وإلا الياهل الي عندنا يصييح ، جان يرضعه الريال الي حذالي

فقلت لهـ : أخبرك ارقع ها الي يسوق بالمرضعه ..بصوت خفيييف

ما ينسمـــــــع..،

جان يتم يفكر كيف بيرقعه فيها الي يسوق سمعني ،

عسب جيه تغيرت ملامح ويهه ، المهم لما وصلنا عدال بيتنا

لصق بووز السياره بالباب تخيلوا الشكل..؟

ودق الجرس.. <- - - الحبيب متفيسد يقووم ويا وجهاو

انزين عقب ما دق الجرس رجع لورا بالسياره ورفع شي وانا اتطالع

ومستغربه منه .. لما فتحت له شغالتنا الباب

سيده ضربها ضربه بالرصاص بس مب اي رصاص

صراحه رصاصه ها الكبر تجتلها وتجتل كل الي وياها

واطشر الدم واتطشرت ظلوعها فكل مكان.........

انا هنيه تميت مبهته ومستغربه من تصرفاته

[هذا وييييييين يبا وييييييين] تميت فاجه حلجي وصاخه

اتطالع شوو آخرتها.......

المهم وهو ساير صوب المسييد وقفته ... خليته ينزل وتميت اتضارب وياه

انته شو تتحسب عمرك ها..؟

وين تبا تجتل الناس وين تتحرى عمرك يااالس لكن والله ما اخليك ...

وهذاك الثاني يقولي : خلج منه خلج منه  ،

خلينا نرد نركب(تراه يعرف انه خطير وبينفدني بينفدني بضربه وحده بعد)

وانا اقول فخاطري بعد يبانا نركب وياه بعععععععد

طاحت عيوني ع قب حذال الكنكري جان اشلهـ

واعطيه للريال وقلت له اضربهـ فيهااا .. جان يقوم و يضربهـ

وهذاك العبيط لايحس ولااااااااااااا شي عافنا الله (بغيت أبجاي) ..

جان اشل عنه القب وايلس انا اضربه ع راسهـ من خاطري

و جان ايلس افر عليه كنكري من الكبار وهو يرمس

ما ادري شو يقول ويتحاشى ضرباتي

ولكني من غير ما اوصفلكم شكله كيف كان جرييئ وما يخااف

قعدنا ندور ع الكنكري وانا اشل وارقعه وهو يبا يوصلني بس مب

رايمـ .. آخر شي طاح انا البطله ما خليته بحالهـ خليته يندفن

بالكنكري وبالرمل .. جنه حد حفر له قبر..؟!

عقب ما افتكيت منه و طلعت كل حرتي فيه

(عاد تخيلوا الشكل استويت بطله وومن)

قلت للثاني : يالله نروح البيـت ... سرنا بيوتنـا ..

وانا سايره شفت بنوته عند الباب قلت لها شو تسوين هنيه

طلعت بنت وحده اعرفها.. شارده عنها ياتني.. المهم سايرتها

ولعبتها وو و و الخ... شوي وإلا تسير البيت..

وانا ظاهره شفت سياره غريبه جداً جداً جداً تتنطط بحارتنا شكلها

خطيييييييير حلوه وايد بس ما ادري

ليش جيه تتنقز تقول عربانه عبيطه..!

المهم رديت البيت..

فتحت لي اختي الباب قالت لي : ويه بسم الله ليش جيه

شكلج..؟! الحبيبه ما عندها خبر بالي صاااااار

دشيت الصالهـ...... شوي وإلا يدقون الجرس ..

جان تظهرلهم اختي مره ثانيه .. جان تزقرني

تقولي : أواشيهـ..في حد يبااج شكله يخووف

قلت لها :شوووووه ..؟

يوم شفته انصدممممممممممممت وبههههههههههتتتتتت

قلت خيبه من وين طلع هذا تووني جاتلتنه ضربت ايدي

ع راسي.. وتميت اتطالعه وهو شكله معصب خلاص يبا

ينهيني من الحياااه ...

شكله كان متورم والقب طالع من ورى رقبته

داش بجسمه و صبغ اصفر بويهه وابيض واحمر بجسمه...

ولكنه طلع قطوه بسبعة ارواح ..! شفته ياي صوبي وأنا ارد

لورا ...ما عرفت شو اسوي ارتبكت قلت بروحي ما بروم اهجم عليهـ ..

وشكلهـ ناوي ينفدني من الخاطر..

خليته وشردت من الباب الثاني واختي كانت وراه ومستغربه...

سرت ازقر ولد خالي الي كان وياي في السياره

(هيه صح طلع ولد خالي نسيت اخبركم)

ظهر ولد خالي لما عرف انه هوو الريال نفسه الي يايني ..

جان يقوولي : خلج هنييه وانا بسيير اجتله

وانا فخاطري : ها شو يتحرى عمره مب جنه توني انا جاتلتنه..؟!

بس ما ادري ليش الساني انربط هاايج الساعه وما قلت لهـ شي

هل هو خووف وإلا خلاص من التعب رضخت للامر الواقع وإلا وإلا..؟

جان يرن موبايلي ونشيت..!

واخترب عليه الحلم الاجرامي :(

الســـلامـ عليكم والرحمـــهـ

في ها المـوضوع حبيت أقولكم عن مسيرتي النتيـّــــهـ ..

كيف كـانت وكيف أصبحـــت كككك

أول ما عرفت النـت كنت قاعده عند أخويه ،، كان توه مخلص الثانوية العامه ، ومستانس إنهم خذوا له كمبيوتر .. على أيام 1997 تقريباً

أسمع نت نت نت في كل مكان بس شو معناه .. وشو فيه وشو ما فيــــهـ....؟!

كنت أسمع انه يصير تعارف ان كان صداقه وإلا زماله وإلا حـــب وإلا خريط وخرابيط والخ... بس شو السالفه الله اعلم ! ههه

مع الأيامـ قاموا الأهل يسمحون لنـا بدخول النـت لفترة بسيطه ، يعني ما انطول وايد لاننّــا "يـّهـال "

فكنت بس أدش مواقع الأغاني و أشوف شو يديدهم في موقع اسمه همم .. دانة دبي أو دبي اسمه احينه ما يحضرني. " الكبر شين" خخخ

المهـــمـ ... كنت أتسمع الأغاني  العربية والأجنبية ، واتمشى في النت بس ما كان يعيبني شي بتاتاً... وعن الجات الحمدلله ما كنت اطبه ... أخاف منه من كثر ما يقولون إنه الشباب يخدعون البنات والخ من العلاقات المريضه..

المهم كنت ألعب سوليتير والالعاب الي في الكمبيوتر .. وتميت ع ها الحال لمدة سنه .. ألين ما تخرجت من الثنويه..، ودخلت الكليه كان بسنة 2001

مره من المرات لما عاد دخلت التقنية ، شفت اختي تتصفح موقع وقاعده تضحـك ضحك... قلت "بسم الله تخبلت إختي..!" والله كنت اشوفها مستغربه من الخـاطر، أطوف واطالعها بنظرات "عسب أطمن إذا كانت صاحيه بعدها وإلا لا " ههههههههه

عاد هنيه نط عرق الفضول وصل حده.. قلت لها "بسألج انتي شوو تسوين ، كل ما أمر اشوفج تضحكين شو ما عندج سالفه انتي :S  ضحكينا وياج..؟!"

" شو هذا شو تقرين..؟!"

جان تقولي " يلسي يلسي انتي واقري ويايه"

المهم راوتني الصفحه .. جان ازيغ قلت لها " خييييييييييبه متفييجه انتي تقرين كل هذا والله ما عندج سالفة تضيعيييين وقتج "-"...." (لانه الصفحه ملياااانه كلاامـ وسوالف)..،

جان تقولي " والله سوالف" وجيه وجذاك ألين ما قلت يالله بيلس وياها ها اليوووم وبقرااا بنشوف شو آخرتها خخخ

المهم قريت وعيبتني السالفه ،، وقمت اضحك شراتها ع المواضيع وإلى ذلك.. مره جان تقولي "ليش ما تسجلين..؟!" قلت لها "أناااا..؟!! ، لا لا ، فيه شبـــــــاااب ما أقدر ، عن يذبحونااا " خخخخ ما ادري إنه منتدى هب جات... المهم جان توضحلي "ممكن تستفيدين منه ومن مواضيعــــــهـ ، و ممكن تفيدينهم وحطي خواطـرج وشوفي ردة فعلهم" عاد زينته فعيني

المهم دشييت المنتدى .. والحمدلله رحبوا بي .. وتسليت وياهم وتعرفت على بعضهم...

ها المنتدى اسمه الفريـــــــــــج والسايت ماله هذا www.alfreej.com ر كان أول منتدى أشارك فيـــهـ .. حسيت فعلاً إنّـا مثل العايله الوحده فيه ،، حسيت بالترابط والمحبه.. ولكن القدر فرض أمره .. وراح المنتــــــــــدى بالي فيه :(..!  

ما غرق لا تخافون بس اختفى اهئ اهئ ...

وحالياً أنا اشارك في منتديات ضي الإمارات www.diuae.com  وأشارك في منتـــدى ثاني أسمه برزة الشحــــوح http://www.alshohooh.ws/vb/index.php  انتســـــاباً لـــــقبيلتــــــــي.

هذا الي اقدر اقولهـ عني .. يالله رمسوني عنكم وعن علومكم ^-^

تعرفت على بنات من النت بصراحه من أحسن ما يكون من الأخلاق والذوق .. بذكر لكم الـToP GirlS In My Life

واحينه برمسكم عن الصديقات العزيزات ولو فرقتنا الدنيا بتم اذكرهم بالخير

من منتدى الفريج

تيـــدي : انسانه مرحه ، مشاغبه ورغم شطانتها هاديه جداً ، تتعامل مع النـاس بحذر ودون تعمق ، خـدومـــــه ، بصراحه هي رمز ومعنى للصداقه الحقيقه... عمرها ما تغيرت على حـد وعمرها ما بتتغير .. الله يديمها ويوفقها وين ما كانت..!

مهـــــره : شقول عنج يا مهره..؟ طيبه..؟ شويه عليج.. !

معنى للطيبه وكـرم الأخلاق ، خدومـــــــه، ما ترد حــــــــد ، ذوق حبوبه... بصراحه أحبها من كل قلبي

الله يخليها لاهلها..

هنـد : أسميها بنويتــــــــــي وأنا أطلع عموتها ، كيـــــوت ، تعرفت عليها من خلال الفريج ، طيبه وأخلاق .. وذوق في الكــــلام .. تحب تضحك وايد ^-* .. انسانه تحب اتابع الأخبار الرياضيه.. وتشجع فريق العيـن ... WoW

قرقروه بنت الصقر : اخت هنوده ، اقدر اوصفها بالعـــــــــاقل ، بعد طيبه وخدومــــه.. وراعية سوالف..

لقبوها بقـرقوره لانها تحب تهذرب وايد لول

شمعة الجـلاس : زميلتي في فريج الأدب ، طيبه وأخلاق ، أحب اسولف وياها في المسن واحب اخرشها لانها راعية سوالف ^-* ..

البـدور : وين أيامكم ويييين الي قضيناها :( .....

صغيرونــــــهـ ، ورغم صغر سنها جذبتني برزانتها ،  لها مشاركات أدبيّه ، كانت من احدى البنات الي احب اقرالهم مواضيعهم وردودهم لانها مب من النوع إلي تحب تنقل المواضيع .. مبدعه .. واتمنى اتم صداقتنا للابد .. عزيزه جداً على قلبي..

عـز البـدو أو "تيتي" :  بنتي الأولى..كيــــــوت ، قطوه مشاغبه ، صغيرونه ، حبوبــه، غامضه شويه ، ارتحت لها أكثر لانها من راس الخيمه.. صارت من اعز اصدقائي.. ^-*

مرهفة الاحساس : بنووووويتي  ، قمه في الاخلاق والذوق ، راعية واجب مستحيل ترد حـد لو على حساب وقتها ، شويه عليها كلمة طيبــــــــــه .... الله يوفقها الحينه في دراستها ويسهل عليها..!

عيناوية الفريج : بنويتي ربشــــــــهـ + تحب تتعلم لهجة الشحوح لول + فضوليه احم احم بس احبها وااايد ^-*

تـوووتـه : انسـآنهـ خلوقهـ ، وصـآحبة ذوق راقي ، طيوبهـ ، مزآآآجيهـ ،، احترمها واقدرها كاخت قريبه مني

قلب العاصمه : ها الانسانه ما تعرفت عليها لا من العريش ولا من الفريج ، ولا حتى من النت ... كانت لنا مواقف على أيام الفريــــــج ، بس ما كنت أحتك بها وايد ، شفتها مره في القريه العالميه لما كنت متواعده ويا طموحه في الشــــــــر (ضي الإمارات) ، تعرفت عليها أكثر عن طريق التلفون .. صارت من أعز اصدقائي هي الثانيه .... طيبه مرحه ذوق وأخلاق بصراحه هي بعد رمـز للصداقة ومعنى للمحبه الاخويه ..

طموحه في الشر (ضي الإمارات) : أسميها عمـــــــوتي ما أدري ليش :P ، لقبها القبلي ليس على مسمى أبداً ... العكس صحيح ^_~

طيبــــهـ وشغيلــــــهـ رقم واحد .. مجتهده في عملها متفانيه .. عزيزه على قلبي ربي يخليها لي ^^

الزعيمــــــه (بنت المرر)  : اخت الطموحه ، نفس الصفات بالضبط بس هي عاقل :P .. بصراحه تنحـــــــب واايد ^^

صدى الأحزان : مديرتي العزيزه ، سميت بالمديره لانها كانت مشرفة العلمي ، يا سلام عليها وهي تقود الطلاب ... هي بصوب وهم بصوب هههه  خريشه ، طيوبه ، كيــــــــوت وكول رقم 1 ... بس مشكلتها حساااااااااسه وايد :P ... تنحب ... صديقه مخلصه للاخت طموحه..!

من منتدى الشحوح

غزالة الجبال : روح الجبـــال راسخه فيها ، طيبهـ لأبعد الحدود ،خدومهـ وحبوبهـ ودليييعه :P

معـاني : صديقه عزيزهـ ، حبوبهـ ، كاتبة قصص متميزهـ ، سبحان الله طلعت من الاهل لول

رهــف  : صديقه عزيزه على قلبي ، احب سوالفها ، وعليها طلعات وحركات نيهاهاهاهاه.. 

الزين كله : يا عيني عليها ، اونها خجولهـ بس خلوني ساكته خخخخ

الرياااام  : بعد هاي طلعت من معارفنا سبحان الله :| خخخخ فديتها احبها لانها تنحب وبس…

هذيل الي عرفتهن من المنتديات يالله قولوا لي عنكــــــم سرييييع ^.@ <-- نظارهـ