مرحبـآ السـآع

الله يسلمكم ويسلم السـآمعين ها أول يوم أتدرب فيه بحيـآتي

جداً مستانسه بس مرتبكه شوي، ورغم ها الشي واثقه من اني بتعلم،

دشيت الدآيره وأنا على أمل إني أكون في المكـآن المناسب لي

ولكن مع الأسف ما يخصهـ..!

يشوفون لي أخبار الجريده ، ويعطوني اياها إذا حصلتها في النت كان بها ، وإذا ما حصلتها أطبعها...  وبعض الأخبار المهمه أترجمها بالإنجلش ، شغل بسيط جداً ولله الحمـــد حبيتهـ لأنه مريح.. وهذا صورة مكتب ربيعتي "الي احتليتهـ" خخخ 

القسم الي أنا استلمتهـ أول مرهـ يلست فيه شهـر ، مثل ما قلت لكم كـآن مريح جداً ألين ما يـآ المدير ، قبضتها شرده.. قولوا ليش..؟ ههههه  يقولكم المدير كان جداً استغلالي ، يعني ما يصدق يشوف حد يديد يكرفه كراف البـــــــلى...  مرهـ وحده من ربيعـآتي ، اول ما دآومت ويـآه ، كرفها لين ما انتهى حالها بالمستشفى ،، وهذا لانه طلب منها انها تطبع له كتاب كامل ويباهـ خلال فتره معينهـ ،، فانا حطيتها فراسي والحمدلله أول ما يا من هنيه قلت لهم بغير القسم .. والحمدللهـ.. استلمنا أقسام ثانيهـ مريحه ويا ربيعتي شوي نتناقر ع اشيا تافهه بس ارحم عن الي ما يتسمى خخخ..!

و كنت أمر للأقسام الثانيه عسب نسولف مع بعض البنـآت شوي ( لازم ها الطبع ما نودره نحن البنات خخخ) المهم ، شي بنات استلطفتهن و حبيت القعده ويـآهن ، والله أكرمنا بالتنقل من قسم لقسم  للتعرف على بعض الأعمـآل + بعض الأجنـآس من الناس..!

مره صار لي موقف ويـآ رجل كبير في السن ما شاء الله عليه ،

الموقف محرج بالنسبه لي بس مفيد بنفس الوقت..!

طبعاً مثل ما قلت نلملم الأخبار اليديده الي تخص راس الخيمهـ ، بس لازم بعد انجيك ع الأخطاء .. فمن بين الأخطاء الإملائيه الي ما أنساها كلمة "يسيطرون"

وهي آيه في القرآن ، ارتبشت أنا وايد بسبة الكلمه وترددت بين اني أنبه الاستاذ وإلا أطنش.؟ وشو يعني إلا هي غلطه..! عقب أرد .. بس حرام هاي في القـرآن.. المهم بدال ما ادور في النت سرت للإستاذ قلت له ( كلمة يسيطرون غلط ، لازم تكون يصيطرون)

قال لي وهو واااااثق: انتي متأكدي..؟

استغربت من السؤال وقلت بكل ثقه : هيه استااذ متأكده..!

رد قال : متأكدي..؟

سكت

قال : متأكدي..؟ وين شفتيها..؟!

قلت له : ما شفتها بس الي احيده انها بالسين مب بالصاد :>

قال لي : طيب تعي لنشوفها..!

قلت له : شوفها استاذ بالنت موجوده..

قال : لا ما يحتـآي

المهم سار دورها في القرآن نفسه  وطلع لي الكلمهـ  تفاجأت ( ههههه اسميني قفطت وتفشلت) جان أظهر واشل الورقه وانا طالعه قلت له "شكراً"..!

المهم في اليوم الثـآني ياني يشكرني واعتذر مني بعد على اسلوبهـ ، (لأنه فعلاً حسسني إني صغيره جدامهـ في هذاك الموقف تميت طول اليوم متلومهـ)  المهم ومدح  نباهتي و تعـآوني  وانه التعاون جداً مفيد في العمـل ( حسيت بالفرح عقبها من بعد القفطه والله كان الود ودي ما اجابله مره ثانيه خخخخخ )

والمواقف ما تخلص صراحه

بس هذا بيتم خالد في الذاكرهـ ..

دمتم بعبق الحب والسعـآده والنباهه يا رب ;)